Kijan pou enskri nan Capital Bank Online?
Ou gen yon kont nan Capital Bank oswa ou posede yon Capital Carte? Pran avantaj sèvis bank anliy la, ki rele Capital Bank Online. Li disponib 24 sou 24, 7 jou sou 7, kèlkeswa kote ou ye!
Pa tann ankò, kòmanse touswit demann aksè w nan Capital Bank Online. Enskripsyon an fèt an de (2) etap.
Premye etap la pa nesesite deplasman. Li fèt sou entènèt.
Pou dezyèm etap la, pase nan yon sikisal ak yon pyès idantite pou finalize demann ou.
Pou plis enfòmasyon sou 2 etap sa a yo, kontinye li atik sa a.
Etap 1 : Pran konesans règleman yo
Byen li tèm ak kondisyon itilizasyon sèvis Capital Bank Online la.
Etap 2 : Ranpli fòmilè enskripsyon nan Capital Bank Online la
Swiv ak anpil atansyon enstriksyon ki nan Gid Enskripsyon a pou byen ranpli fòm aplikasyon nan Capital Bank Online la.
Etap 3 : Pase finalize aplikasyon w nan yon sikisal Capital Bank
Lè w finn ranpli fòm la, pase nan yon sikisal ak yon pyès idantite ki gen foto w (kat idantite, pèmi kondwi, paspò).
Pou konpayi yo, bank la ap mande an plis yon lèt ki siyen ominimòm pa 2 moun ki otorize pou angaje konpayi a. Fò ke lèt sa a gen siyati moun sa a yo e li obligatwa ke non moun sa a yo deja anrejistre nan bank la. Lèt sa a dwe mansyone ke moun ki enskri konpayi an gen manda pou fè sa.
Etap 4 : Konfimasyon enskripsyon an
Lè w finn finalize ensripsyon w nan sikisal la, w ap resevwa yon imèl ak yon SMS ki ba w yon modpas tanporè pou monte sou Capital Bank Online.
Premye fwa ou konekte, sistèm la pral mande w chanje modpas la. Modpas ou chwazi a dwe yon konbinezon lèt ak chif ak omwen yon majiskil ak yon chif. Li dwe gen pou ominimòm 8 karaktè oswa 15 maksimòm. Li pa dwe gen karaktè espesyal (*,&,#,.,-,_, elatriye). Pou sekirite w, toujou kenbe modpas ou sekrè.
Si ou bezwen èd pou konplete enskripsyon ou oswa ou gen kesyon, ekri nan [email protected] oswa rele nan (509) 2946-1002 ak (509) 2810-4091 (lendi pou vandredi 8:30am rive 3 :30pm)
